Ebbes Asyl

Insulaire · Registrierter Benutzer Ehemaliges Mitglied

Des gibd so Menschn ...

S'gibd Menschn, die schbechdln die reglrechd aus,
die suachn und suachn ofd jahrelang, bis oan findn,
bei dems schbian, - hobbala, des iss'.
Und nachad fangas o zum Liang, bis zum Gehd-nimma,
dean da schee und schleichan da umman Bart, dass'd
moansd, d'Engal singa, - so siaß klingds da bis
ins Heaz eini.
So a Mensch, dea zuzld die aus wiera Vampia,
emotional moan i, - aba so gschiggd scho a, dass'd
lang nix merksd.
Wenns aba dann irgndwann so weid kimmd, dassd des
Schbui durchschaugsd, des Foischdoa und d'Liagarei,
- na kimmsd fasd nimma fuad, wiasd nimma auslassn.
Und wennsd di weahsd, muassd scho ganz saggrisch
aufbassn, dass'd ned zaschlong wiasd, - dabresld.

"Ah, gehweida!", sogd jetz glei a jeda, "dees kannd
miiia, mid meeiine Menschnkenndnis, goa niiiiea ned
bassiean!"
... Hob i a amoi denkd.
Und i frog mi: "Was hod so oana davo?"